SSW önj e loondäi

E SSW orientiirt sin politik tächt bai e seelschaplik än politisch önjtwikling önj Skandinaawien. Südänji bränge we wichtie naie impulse önj e politik önj Slaswik-Holstiinj in – tum biispel önj e årbesmårket-, sotsjaal- än bildingspolitik.

E SSW stoont for en desäntraal politik efter skandinaawisch münster: Politische önjtschiisinge schan sü tächt as möölik bai e bürger drååwet wårde; än da bürgerine än bürgere schan e möölikhäid hääwe än hääw influs aw dadeere önjtschiisinge.

Aw diheere grünlååge seet ham e SSW deerfor in, dåt da manschne önj üüs regjoon e schangs foue än årb än laaw heer.

Di SSW sat sunt et iir 1947 önj e loondäi önj Kil. Foon 1971 bit 1996 sätj Karl Otto Meyer as "ån-moon-fraksjoon" for e SSW önj e loondäi. Ma sin lungiiri erfååring än konsekwänt strääwen for demokratiische wjarde jült he önj Slaswik-Holstiinj as poliitiker döör än döör.

2012 as di SSW dåt jarst tooch diilj foon e loonsregiiring Slaswik-Holstiinj wörden. As "Küstenkoalition", tohuupe ma SPD än Bündnis 90/Die Grünen, schåft et e SSW, mör as 100 woolferspreegen 1:1 wäärtumååge. Dertu hiirt tum baispal dåt likstalen foon da dånsche manerhäideschoule önjt schöjgesäts än e loonsferfooting. Di SSW wus ma Anke Spoorendonk, ministerin for justits, kultuur än Europa, önj e ministerrunde fertrin.

Tutids as e SSW ma fjouer lasmoote önj e loondäi fertrin: Anke Spoorendonk, Lars Harms, Jette Waldinger-Thiering än Flemming Meyer.

Flemming Meyer, Jette Waldinger-Thiering und Lars Harms.

Bai e leest loondäiswool 2017 heet di SSW 3,4 % füngen.

Uk önj e komuune as e SSW önj Slaswik-Holstiinj en stark kråft. E SSW treet traditsjonäl bai da komunaalwoole önj da tra nöördlike krise än önj e stää Flansborj önj.

Kiiket huum aw e lasmootetåle sü as e SSW ma sin 3.500 lasmoote e treedgrutst partai önj Slaswik-Holstiinj.